查實有無諗過呢幾年真係最美好既時代，係既，好多野唔同晒(你知我知單眼佬都知)，但係論科技或者市場之類等等既發展上面，真係好多野勁左好多；方便左好多；平民化左好多，所以只要你唔好懶肯接觸多D新野，其實真係好多機會。
我諗十零廿年前，你要玩Laser print呀Digital print落D大件既產品或者成衣上面，果部機無幾兜野都攪唔掂，專業D仲要上球，而且部機仲要大大部，你有錢買仲要諗地方按置。依家呢皮零兩皮野已經有部好PRO既，仲要D作品係真係見得下人出得街果隻。3D Modeling / Printing果時唔係話無，不過唔係平民玩到既野，一來貴二來技術唔成熟出黎既質素好參差。時代真係唔同晒，依家平民化到真係幾萬蚊有部，再PRO D 都係十萬八萬，都係果句效果仲要頂呱呱。什麼膠片出菲林對十字格果D就算9數啦，唔講啦，講下軟件類，依家有邊個唔識設計做圖執相剪片？一機在手真係世界我有，唔要求出Output或者好拿高dpi既，簡簡單單擺上Facebook、Instagram打下卡或者宣傳下自己D野既真係求其搵個Apps都做到。係啵，撚撚下果時邊有咁多Free既Platform比你去宣傳？一係就掉大大舊錢買電視、雜誌廣告，再有撚頭D既咪攪下Event或者請D靚女Model做下街頭宣傳。
又講下呢個濕9網咁，果時要寫個有齊Online Shop功能既ecommerce website我諗真係無6位數都唔掂。其實再要講真係有排講，我都想講下做工程D架生，好似焊機咁，依家真係平平地幾百一千都有部粗粗地可以用黎燒下角鐵方通，幾千蚊既仲有齊tig、plasma cut功能。所以呢，真係咖，諗到咩不如搵完資料就action啦，錢銀唔夠都一定搵到比較Low-tech既做法起左個頭先，就算最尾都係輸呀都叫賺到個技能解鎖既稱號，又唔使死既。
廢Up完，如果你咁岩準備攪囍事既辦證婚既婚禮籌備既，試下搵我朋友間公司傾下啦。
-------------------
一囍策劃製作有限公司
Yat Hei Planning & Production Company Limited
Tel : 62981314
Facebook : 一囍
IG : yatheiwedding
Email : yatheiweddingplanning@gmail.com
Add : 新界葵涌大連排道83號K83 1樓101室
Flat 101, 1/F, K83, 83 Tai Lin Pai Road, Kwai Chung
特別感謝果道 Fruit Justice臨急臨忙一朝早肯接我張急單，老闆人超好，果籃生果質素高，外觀大方得體，有與趣可以去望望喔。
